Uda Ikastaroak

Ikastaro honen helburua programazio didaktikoa antolatzea eta lantzea da. Horretarako ikasteko material ezberdinak sortuko ditugu gero programazioa egin ahal izateko erabiltzeko aukera izango duzuelarik.

Egitura, analisia, behaketa, metodologia desberdinak, koordinazioak, ebaluazioa... landuko dira hezkuntza inklusibo eta kalitatezkoaren ildoei jarraituz.
Beraz, aniztasuna, LOMLOEk dakartzan aldaketak eta Ikaskuntzaren Diseinu Unibertsalak (DUA) ezartzen dituen oinarriak izango ditu jomugak.

• LOMLOEren oinarriak, horrek dakartzan aldaketak eta programazioan modu praktikoan nola islatu ikusiko dugu.
• Programazio batek izan behar dituen atalak errepasatuko ditugu, zertan oinarritzen diren eta nola egokitzen diren ikasgelako errealitatera kontuan hartuz.
• Programazioa DUAk (Ikaskuntzaren Diseinu Unibertsala) ezartzen dituen ildoen arabera landuko dugu, eta ikasteko, adierazteko, komunikatzeko eta parte hartzeko erritmoei eta moduei erantzungo dien programazio inklusibora hurbilduko gara.
• Hainbat plan, proiektu eta protokolo ikusiko ditugu: helburuak, noiz eta nola erabili, eta jardueren eta ekintzen adibideak.
• Ebaluazio inklusiboan murgilduko gara, tresnak partekatuz, IKTen bidezko ebaluazioa eginez, guztiontzako ebaluazioa eginez...
• Ikastaroa amaitzeko, aurkibide bat egingo dugu programazioaren hezurdura finkatuz.